8-800-8000-111

Барлық мәселелер бойынша
Call-орталыққа жүгінуге болады

 
 

Компания туралы

«Самұрық-Қазына жылжымайтын мүлік қоры» АҚ өз жұмысын 2009 жылдан бастаған. Қазақстанның жылжымайтын мүлік нарығын тұрақтандыру міндеттерін іске асыру үшін құрылған Жылжымайтын мүлік қоры жұмыс істеген жылдары жылжымайтын мүлік саласында мемлекеттік бағдарламаның операторы ретінде табысты қызмет атқарды.

2018 жылы 2018-2028 жылдарға арналған Даму стратегиясы бекітілді. Даму стратегиясы аясында Жылжымайтын мүлік қоры мемлекеттік бағдарламаның операторы қызметінен «Самұрық-Қазына» АҚ компанияларының топтарына арналған жылжымайтын мүлік пен құрылысты басқару саласында қызмет көрсетуге ауысады.

Осыған байланысты, 2019 жылдың 1 наурызында «Самұрық-Қазына жылжымайтын мүлік қоры» АҚ мемлекеттік қайта тіркеу жүргізілді: атауы, заңды мекен-жайы өзгертілді, қызмет түрлері толықтырылды. Жаңа атауы – «Samruk-Kazyna Construction» АҚ (бұдан әрі – Қоғам).

Жалға берілетін тұрғын үйлер бағыты бойынша «Нұрлы жер» бағдарламасын іске асыру

  • Қоғам еліміздің 12 өңірінде 22 тұрғын үй құрылыс объектісін қаржыландыру шарттарын жасады.
  • Жалпы Қоғамның үй-жайларының алаңы– 646,9 мың ш.м.
  • Есепті кезеңде 144,9 мың м2 пайдалануға берілді.
  • 2018 жылдың аяғына қарағанда, 91,4 млрд. теңге сомаға объектілер қаржыландырған.

Коммерциялық тұрғын үй бағыты бойынша «Нұрлы жер» бағдарламасын іске асыру

  • Осы бағытта  Қоғам жалпы сомасы 95,1 млрд. теңгеге 11 нысанды қаржыландыру келісімшартын жасады, оның ішінде Қоғамның үлесі – 75,9 млрд. теңге, тұрғын үй жалпы алаңы - 323,5 тыс. м2.

«Жасыл орам» жобасын іске асыру

2018 жылы Қоғам «Жасыл орам» жобасы бойынша құрылыс нысандарын аяқтады. Жоба 10 тұрғын үйден, 3 коммерциялық блоктан және жерүсті көлік қою тұрағы орналасқан подиумнан тұрады. Барлық нысандар құрылыстың 4 кезегіне бөлінген. 2018 жылы соңғы 4-ші кезегі, яғни «А» тобындағы Т4 пен Т5 бизнес орталығы мен Подиум пайдалануға берілді.

«Жасыл орам» нысанының ғимараттары жасыл құрылыс бойынша американдық кеңесінің (US Green Building Council) LEED (Leadership in Energy and Environmental Design) стандартына сәйкестігі сертификатталды. Құрылыстың жалпы сметалық құны мемлекеттік сараптама қорытындысына сәйкес 68,467 млрд. теңгені құрады. Пәтерлердің жалпы ауданы 49 260 м2 құрайды, коммерциялық үй-жайлардың жалпы ауданы – 73 200 м2. Тұрғын үй кешеніндегі пәтерлер саны – 620 бірлік.

Т4 пен Т5 бизнес орталықтарында «Самұрық-Қазына» АҚ мен оның еншілес ұйымдарының бас кеңселері орналасқан.

«Жасыл орам» жобасы үздік экологиялық және энергиялық тиімді технологияларды пайдаланумен жалпы алаңы 208 000 ш.м. тұрғын, кеңсе, сауда жылжымайтын мүлік, әлеуметтік-тұрмыстық инфрақұрылым объектілерінің құрылысын білдіреді. «Жасыл орам» кешені Астана қаласындағы «Хан Шатыр» сауда-ойын-сауық орталығы жанында орналасқан.

«Жасыл орам» жобасының сәулет тұжырымдамасын британдық AHR компаниясы әзірледі. Жоба - болашақ қаланың бейнесі, ол астанамыздың жарқын, тұрақты, заманауи және әлеуметтік біріккен қоғамдастығына айналады. Тұжырымдамада энергиялық тиімді жарықтандыру, жайлылықты қамтамасыз ету технологиялар, қоқысты бөліп жинау жүйесі, «ақылды» жобалау арқылы күн сәулесімен емделу, ағынды суларды қайта пайдалану, рекупирациясы бар ағынды-сорғылы желдету және т.б. сияқты инновациялық жасыл технологияларды пайдалану көзделген. Кешен аумағының айрықша ландшафтық дизайны жасалады, әдемі мөлдір өзен, жүгіретін және велосипед тебу жолы бар парк, фитнес орталығы, қысқы мұз айдыны, медициналық орталық, бала орталығы және т.б. орналасады.

ЖҰМЫС КӨРСЕТКІШТЕРІНІҢ КӨЗДЕРІ

Стратегиялық ЖКК

2017

2018

%

дерек

жоспар

дерек

жоспарға

2017 жылға

1

Жылжымайтын мүлікті пайдалануға беру, мың ш.м.

140,8

617,2

515,9

84%

366%

2

Жалға берілетін тұрғын үйлер бағыты бойынша «Нұрлы жер» бағдарламасы аясында өткізілген жылжымайтын мүлік, мың ш.м.

35,8

76,7

40,95

53%

114%

3

Коммерциялық жайлар бағыты бойынша «Нұрлы жер» бағдарламасы аясында қаражатты игеру, млрд. теңге

15,5

12,8

20,2

158%

131%

4

EVA, млрд. теңге

-2,6

-2,9

-2,3

180%

190%

5

Таза активтердің құны (NAV), млрд. теңге

41,5

44,4

41,8

94%

101%

6

ДТАС, млрд. теңге

0,3

5,4

3,8

71%

1199%

7

Таза табыс, млн. теңге

3 837

2 775

5 437

196%

142%

8

Корпоративтік басқарудың рейтингісі

BB

BB

B

 

 

Дивиденд төлеу жөнінде ақпарат

2018 жылдың 30 қазанында Қоғам еншілес ұйымдарға қатысты «Самұрық-Қазына» АҚ Дивидендтік саясатына сәйкес 03 қыркүйек 2018 жылғы Жалғыз акционердің №25/18 шешімінде бекітілген 1 151 138 100 теңге көлемінде дивиденд төледі. Дивиденд мөлшері Қоғамның бір жай акциясына есептегенде, 70,849989 теңгені құрайды.