Жиі берілетін сұрақтар

Пәтерлерді бөлу тәртібі және баспана алу ережесін қайдан алуға болады?

Жылжымайтын мүлік қоры«Қолжетімді баспана – 2020» бағдарламасын жүзеге асыратын операторлардың бірі. Аталмыш бағдарламаны 2012 ж. 21 маусымында Үкімет бекіткен. Қазіргі таңда «Қолжетімді баспана – 2020» бағдарламасы бойынша жүзеге асыратын тұрғын және коммерциялық үй-жайларын өткізудің ережесі жасақталуда. Бекітілген соң бағдарлама Жылжымайтын мүлік қорының корпоративтік сайтында жарияланатын болады (www.fnsk.kz).

Пәтерді қалай сатып алуға болады?

Пәтерлерді өткізу екі тәсілмен жүзеге асырылады: тікелей сату және жалға беру арқылы сату.

Пәтер алуға кімдер құқылы?

Баспанасы жоқ немесе тұрғын үйін жақсартуға иа кеңейтуге мұқтаж Қазақстан Республикасының барлық азаматтары жылжымайтын мүлік сатып ала алады. Жеке тұлғалар айтулы бағдарлама аясында үй алу құқын бір рет қана қолдана алады.

Жалдай отырып сатып алуға кімдер құқылы?

Жылжымайтын мүлік баспанасы жоқ немесе тұрғын үй жағдайларын жақсартуға мұқтаж азаматар санатына беріледі. Негізгі талап – жалгердің негізгі шығыстары мен жаладу төлемдерін өтеуге жеткілікті расталған табысының болуы.

Алғашқы құрылыс нысандарына өтініш қабылдау қашан басталады?

Баспана алуға өтінімдер қабылдаудың қашан басталатыны мен баспана алу шарттары баспана берудің әдіс-тәсілдерін реттейтін құжаттар түпкілікті бекітілген соң ғана белгілі болады. Бүгінгі таңда «Қолжетімді баспана – 2020» бағдарламасында көзделген баспана беру тетіктеріне өзгерістер енгізілуде, Үкіметтің Қаулысына енгізілетін өзгерістердің жобасы уәкілетті мемлекеттік органдармен келісу сатысында. Жаңа редакциядағы Үкіметтің Қаулысы бекітілген соң ғана, алғашқы пәтерлерді беру мен өткізу басталады. Барлық өзгерістер жайлы Жылжымайтын мүлік қоры халықты www.fnsk.kz интернет сайты арқылы хабардар етіп отырады.

Жалдай отырып сатып алу арқылы пәтер алуға еңбекақымның жететін-жетпейтінін қалай есептеуіме болады?

Азаматтардың төлемқабілетін және жалдау ақысының максималды сомасын есептеу әдісі «Қолжетімді баспана – 2020» бағдарламасы бойынша Жылжымайтын мүлік қорының тұрғын және коммерциялық үй-жайларын өткізу ережесімен айқындалады.Өз мүмкіндіктеріңізді мынадай өрнек арқылы алдын ала есептеуіңізге болады:

Егер алынған нәтиже жалдау ақысын төлеуге жететін болса, табысыңыздың бағдарламаға қатысуға жеткілікті болғаны.

Тағы бір мысал:

Егер Сіздің ресми жиынтық табысыңыздан барлық шығыстарды алып тастағанда, қалатын сома 52 800 теңгеден кем болмаса, Сіздің төлемқабілетіңіз өтініш беру үшін жеткілікті болып есептеледі. Ғаламтор арқылы өтініш беру кезінде Қордың сайтында өтінушілерге төлем қабілетін есептеуге арналған калькулятор пайдалануға беріледі. Және де мына бір мәселеге назарларыңызды аударғымыз келеді. Өтініш беруші отбасы мүшесі ретінде көрсетіп, табысы жалдау ақысының максималды сомасы есептелгенде ескерілген азамат, өз атынан басқа үйге өтініш бере алмайды. Өзге өтініш берушінің отбасы мүшесі ретінде де тіркеле алмайды. Ол тек құжат тапсырған адамның өтініші қанағаттандырылмаса, өтініш беруші өтінішінен бас тартса немесе отбасы мүшелерінің қатарынан шыққан болса ғана өз атынан құжат тапсыруға хақылы.

Сонымен атар, азаматтарға кеңес беру 8 (7172) 63 44 15 жедел байланыс телефоны арқылы да жүргізіледі.

Самұрық-Қазына» арқылы жалдамалы баспана алу үшін міндетті түрде әкімдікке кезекке тұру керек пе? Өздеріңіз бұрын хабарлағандай, баспана интернет арқылы өткізіледі емес пе?

Бұдан бұрын біз баспана өткізудің бірнеше жолын ұсын ұсындық,   соның ішінде пәтерді интернет арқылы өткізу немесе әкімдіктердегі кезектер арқылы өткізу жолы қарастырылған болатын.

Қазір осы екі нұсқа да уәкілетті органдармен келісу үстінде.

Егер Сіз жергілікті атқарушы органдарда кезекке тұру үшін белгіленген санаттар талабына сай болсаңыз, онда, әрине, әкімдікке кезекке тұруыңызға болады.

«Қолжетімді баспана – 2020» бағдарламасы бойынша салынған пәтерлерді Әкімдіктер арқылы бөлу әкімдіктерден пәтер алушылардың кезегін біршама азайтуға мүмкіндік береді. Баспана алу шарттары өзгермейді деп көзделеді, бұл – 15 жылға дейін сатып алу құқығымен жалдау немесе тікелей сату. Жалдау мерзімі ең көбі 15 жыл болған кезде, Астана, Алматы, Атырау, Ақтау қалаларында және осы қалалар маңындағы аймақтарда сатып алу құқығымен жалдаудың ай сайынғы төлем мөлшері – коммуналдық төлемдерді, салықтар мен пәтерді  сақтандыру сомасын қоспағанда – пәтерлерді өткізудің бірінші жылында баспананың жалпы ауданының 1 шаршы метрі үшін 1600 теңгеден, ал басқа өңірлерде –1300 теңгеден басталады.
Әкімдіктер арқылы пәтерлердің қандай да бір бөлігі бөлінбей қалған жағдайда,  Жылжымайтын мүлік қорына пәтерлерді бұдан бұрын айтылған екінші нұсқа, яғни Интернет арқылы өтініш қабылдау жолымен өткізу мүмкіндігі туындайды.

Жалдамалы баспана алу үшін өтініш беруге жас жағынан қандай да бір шектеулер бар ма? Некеде болу мерзімінің қаншалықты маңызы бар? Осыған байланысты болса, өтініш берудің басқа жолдары бар ма?

Біз «Қолжетімді баспана – 2020» бағдарламасы шеңберінде «Самұрық-Қазына» жылжымайтын мүлік қорының бағдарламасын іске асырамыз. Жылжымайтын мүлік қоры баспана бөлу кезінде жас жағынан шектеулер қоймайды, жеткілікті табысы бар, кәмелет жасына толған кез келген адам бағдарламаға қатыса алады. Сондай-ақ отбасы жағдайына қарамаймыз, қатысушыларды мемлекеттік қызметшілер мен бюджет қызметкерлері деп бөлмейміз. Біздің басты шартымыз – төлеуге қабілеттілік. Жеткілікті төлемқабілеті өтініш беруші мен оның отбасы қалаған баспананың түрі мен ауданына байланысты.

Жалдамалы баспанаға қалай кезекке тұруға болады, қандай құжаттар талап етіледі?

Қазіргі уақытта құжаттар тізбесі, бағдарламаға қатысу шарттары мен өткізу жолдары келісу үстінде. Тиісті құжаттар бекітілген кейін ғана нақты жауап бере аламыз.

Жылжымайтын мүлік қоры желісі бойынша барлық жаңалықтар Қордың www.fnsk.kz сайтында жарияланады.

Біздің серіктестер