8-800-8000-111

Барлық мәселелер бойынша
Call-орталыққа жүгінуге болады

«Нұрлы жер» тұрғын үй құрылысы бағдарламасының «Сатып алу құқығымен жалға беру» бағыты бойынша

Қазақстан Республикасы Үкіметінің 2016 жылғы 31 желтоқсандағы №922 қаулысына сәйкес «Нұрлы жер» тұрғын үй құрылысы бағдарламасы бекітілді, сондай-ақ Қазақстан Республикасы Үкіметінің 2014 жылғы 28 маусымдағы №728 қаулысымен бекітілген Өңірлерді дамытудың 2020 жылға дейінгі   бағдарламасының «Тұрғын үй құрылысын дамыту» кіші бөлімі толығымен алынып тасталды.

Бұл ретте, тұрғын үй нысандарын салу тетіктері, сондай-ақ  жаңа «Нұрлы жер» тұрғын үй құрылысы бағдарламасының Жылжымайтын мүлік қорының «Сатып алу құқығымен жалға беру» бағыты бойынша тұрғын үй құрылысы жобаларына қойылатын талаптар Өңірлерді дамытудың 2020 жылға дейінгі бағдарламасының шеңберінде бұрын белгіленген талаптарды қайталайтынын атап өту жөн.

2012 жылдан «Самұрық – Қазына» жылжымайтын мүлік қоры» АҚ Өңірлерді дамытудың 2020 жылға дейінгі бағдарламасының тұрғын үй  құрылысы операторларының бірі болып табылады.

Бағдарламаны іске асыру аясында «Самұрық-Қазына» жылжымайтын мүлік қоры» АҚ еліміздің 10 өңірінде тұрғын үй құрылысының 18 объектісі бойынша қаржыландыру шарттарын жасасты (Астана, Алматы, Ақтөбе, Тараз, Қарағанды, Шымкент, Өскемен, Қызылорда, Атырау, Орал қалаларында  және Алматы облысында).

18 объект бойынша инвестициялар сомасы 100,7 млрд.теңге құрады, оның ішінде жеке меншік инвестициялар үлесі 20% құрайды. Жылжымайтын мүлік қорының міндеттемесі - 81 млдр. теңге. Тұрғынжайлардың жалпы алаңы - 667 мыңнан астам шаршы метр, Жылжымайтын мүлік қорының үлесі - 534 мың шаршы метр.

Жалпы 12 112 пәтер салу көзделген, оның ішінде 80% немесе 9 771 пәтер Жылжымайтын мүлік қорына, 2 341 пәтер құрылыс салушыларға тиесілі.

Тұрғын үйді өткізу  Жылжымайтын мүлік қорының Өткізу ережелері мен тәртібіне сәйкес жүргізіледі. Өткізудің негізгі механизмдері – тікелей сату және кейін сатып алумен жалға алу.

Біздің серіктестер